邊一個動作會每一堂瑜伽堂都會出現？少咗佢好似差啲野咁？答案就係「Savasana」！
唔理係1分鐘定5分鐘，相信每位同學都一定會好期待呢一個瑜伽式子。
「Savasana」攤屍式，亦可稱為大休息，英文譯為Corpse Pose。係一個具休息作用嘅瑜伽式子。所以課堂上老師一般會安排喺課堂最後做大休息，令同學可以於課堂完成前得到一個快速嘅休息時間。有研究表示只需要大休息姿勢保持10分鐘，就相當於休息2-3個鐘，仲具有降低血壓同壓力嘅功效。更加有唔少同學表示喺瑜伽蓆上嘅休息，比起喺屋企張床訓得更好。咁到底呢個式子有咩神奇之處呢？
直接平躺係地上就等於已大休息？其實未必，想得到呢個式子最大嘅好處，都有講究嘅地方。
進入大休息時除咗平躺於瑜伽墊上，請將手臂放於身體兩邊，手掌心向天，合上眼睛。傳統瑜伽於大休息中要求保持住意識清醒但同時全身放鬆，所以並非一件簡單嘅事。同冥想一樣，想專注於呼吸之上將其他想法暫時放下。
可能你會於大休息進行中進入一個半夢半醒嘅狀態，如果太舒服仲有機會訓著。即使係咁，都唔需要對自己太苛刻。因為可能係繁忙嘅生活節奏中，你最需要嘅就係睡眠同適當嘅休息。
了解咗大休息嘅好處之後，係咪好急不及待想上堂體驗一次呢？
🗂Tips: 平躺時如果覺得腰唔舒服，可以曲起雙腳，令下腰下平貼地𥱊
Σχόλια