上完瑜伽堂先會講「Namaste」？

相信有上開瑜伽堂既同學仔，都對「Namaste」呢個詞語唔陌生，大家其實又知唔知道呢個字點解呢？

「Namaste」係梵文嘅意思係「向我鞠躬」或者「我向你鞠躬」。所以係一個有禮貌地打招呼嘅用語。而一般都會加上動作，將雙手放喺胸口前面（心輪既位置），合埋眼睛，然後低頭。

瑜伽老師於瑜伽課堂開始時對學生講，可以係一個正式打招呼，開始課堂既方式。而完結時對學生講，可以係表達自己作為對學生既欣賞同埋感激。另外更加有人話「Namaste」會將正能量傳遞比接受手勢既人，所以喺充滿正能量嘅瑜伽課堂中好經常會聽到呢句說話。

下次上堂時遇到瑜伽老師對你講「Namaste」既時候，你不妨都回應返佢，除咗感謝老師之外，仲可以將正能量帶比對方！